عروس الإسماعيلية تكشف التفاصيل الكاملة لاعتداء زوجها عليها

عروس الإسماعيلية تكشف التفاصيل الكاملة لاعتداء زوجها عليها، قامت مها عروس الإسماعيلية بالكشف عن تفاصيل تعدي زوجها عليها بالضرب، وحبسها بشقة شقيق زوجها لمدة 15 يومًا.

تفاصيل اعتداء زوجها عليها
قالت مها عبر لقائها في برنامج “تفاصيل”، مع نهال طايل، والمذاع على فضائية “صدى البلد2”: “أنا اتبهدلت واتهنت واتفضحت وشوفت أيام وحشة ما اتمناش لأي بنت تشوفها”.

وأضافت مها: “كنت بقوله كتير وأقوله أنا عايزة أعيش سيبني أكمل، بس هو كان مصعب عليا خالص وحبسني في شقة أخوه 15 يوم وضرب وإهانة وشتيمة وتعبت”.

ثم تابعت قائلة: “قلتله حابسني ليه قالي علشان الدور يكون قريب وترمي نفسك منه، فقلتله إنت راميني هنا علشان الانتحار طيب ما تسيبني أروح بيت أهلي البيت اللي إنت جبتني منه”، مؤكدة أنه اعتدى عليها بالضرب في عينيها وتسبب في ورم وجهها.

وكاميرا البرنامج أظهرت كم الاعتداء على جسدها، والتي علقت عليها المذيعة بأنها لم تتخيل أن ترى مثل ذلك الشكل.

وقالت عن عائلة زوجها : “كلهم جاحدين مفيش في قلبهم ذرة رحمة ولا شفقة مع إن معاملتي ليهم لم تكن وحشة، وكان الخلاف بيني وبين زوجي على أتفه الأسباب، وآخرها كان نقاش عادي بيني وبينه بيقولي إنتي متأخرة في الجواز قلتله أنا جالي ناس كتير فجأة بونيات نزلت على وشي”.

ثم علقت على موافقتها بالاستمرار معه بعد الاعتداء عليها بالضرب بالشارع يوم زفافها : “أنا قلت يمكن ينصلح حاله بعد الجواز ويكون غير كدا”، متابعة: “نزلت بطولي ما أخدتش أي حاجة دهبي خلعهولي وراح اشتكى إني أخدت الذهب ونازلة مع الصحفية والكاميرات”.

بعدها علقت عن ادعائه بأنها كانت طالبة ديلفري، قبل استغاثتها في والدها: “حوارات بتحصل وكل يوم بسمع كلام كذب في كذب أنا عايزة الناس تقف جنبي لحد ما آخد حقي بس وبقول يا رب انصرني لأني تعبت جدًا وشوفت اللي ماحدش شافه وماما بتهون عليا وتقولي استحملي، وأنا قوية بيكم”.